కరోనా వైరస్ మహమ్మారి విజృంభించడంతో విద్యా సంవత్సరం ఇంకా ప్రారంభం కాలేదు. వాస్తవానికి జూన్ 13 నుంచి విద్యా సంస్థలు, పాఠశాలు తెరుచుకోవాల్సి ఉండగా.. కోవిడ్ కారణంగా వాయిదా పడ్డాయి. ఆంధ్రప్రదేశ్ ప్రభుత్వం సెప్టెంబరు 5 నుంచి పాఠశాలలను ప్రారంభించడానికి సిద్ధమవుతోంది. ఈ నేపథ్యంలో దసరా, సంక్రాంతి సెలవులను కుదిస్తూ 181 రోజుల పనిదినాలు వచ్చేలా పాఠశాల విద్యా శాఖ అకడమిక్ కేలండర్ను సిద్ధం చేసింది. సెప్టెంబరు 5 నుంచి పాఠశాలలు పునఃప్రారంభమయ్యేలా దీన్ని రూపొందించారు. నిబంధనల ప్రకారం.. ఏడాదికి సాధారణంగా పాఠశాలలు 220 రోజులు పనిదినాలు ఉండాల్సి ఉండగా.. కరోనాతో విద్యా సంస్థలు తెరుచుకోలేదు. జూన్ 13 నుంచి పునఃప్రారంభం కావాల్సిన స్కూల్స్ వచ్చే నెల నుంచి తెరవనున్నట్లు ఇప్పటికే ప్రభుత్వం ప్రకటించింది. ఇందుకనుగుణంగా అకడమిక్ కేలండర్ను సిద్ధం చేశారు. దసరాకు ఐదు రోజులు, సంక్రాంతికి ఆరు రోజులు సెలవులు ఇవ్వనున్నారు. పాఠ్యాంశాలను 30శాతం వరకు తగ్గించనున్నట్టు ప్రకటించారు. పరీక్షల విషయానికి వస్తే అక్టోబరులో నిర్మాణాత్మక మూల్యాంకనం (ఫార్మెటివ్)-1 పరీక్ష నిర్వహిస్తారు. వచ్చే ఏడాది జనవరిలో సంగ్రహణ్మాతక మూల్యంకనం (సమ్మెటివ్)-1, మార్చిలో ఫార్మెటివ్-2, ఏప్రిల్లో సమ్మెటివ్-2 పరీక్షలు ఉంటాయి. అక్టోబరు 22 నుంచి 26 వరకు , మిషనరీ పాఠశాలలకు డిసెంబరు 24 నుంచి 28 వరకు క్రిస్మస్ సెలవులు, జనవరి 12 నుంచి 17 వరకు ఉంటాయని తెలిపారు. కరోనా వైరస్ కారణంగా విధించిన లాక్ డౌన్తో కాలేజీలు, స్కూల్స్, కోచింగ్ సెంటర్లు అన్ని ముందుగానే బంద్ చేశారు. ఈ ఏడాది విద్యా సంవత్సరం పూర్తికాకుండా ముందుగానే పాఠశాలలు మూతపడ్డాయి. మార్చి, ఏప్రిల్ నెలల్లోనే పరీక్షలు నిర్వహించాల్సి ఉండగా.. అప్పుడే మహమ్మారి విజృంభించడంతో విద్యార్థులకు ఎలాంటి పరీక్షలు నిర్వహించలేదు.
https://ift.tt/2QgRc9x
from Telugu News | తెలుగు వార్తలు | Online Telugu News | Latest News in Telugu https://ift.tt/34oW2Kb
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment