టీడీపీ నేత, విజయవాడ సెంట్రల్ మాజీ ఎమ్మెల్యే బోండా ఉమామహేశ్వరరావు వైఎస్సార్‌సీపీ కార్యకర్తలపై మండిపడ్డారు. సోషల్ మీడియాలో తనపై తప్పుడు ప్రచారం చేస్తారంటూ హైద‌రాబాద్ పోలీసుల‌ను ఆశ్ర‌యించారు. ఓ ప్రముఖ హోటల్ నుంచి హీరోయిన్‌తో క‌లిసి తాను బయటకు వస్తున్నట్టుగా సోషల్ మీడియాలో పోస్టింగులు పెట్టారని.. కొంతమంది ప్రత్యర్థులు తనపై ఫేస్‌బుక్‌, ట్విట్ట‌ర్‌లో అసత్య ఆరోపణలు చేస్తున్నారని ఫిర్యాదులో పేర్కొన్నారు. లేని ఆరోపణలతో ప్రజల్లో తనపై లేని అనుమానాలు వ్యక్తం అవుతున్నాయ‌ని.. ఆ హీరోయిన్ ఎవరో కూడా తనకు తెలియదు, సంబంధం లేదు అంటున్నారు. తనపై తప్పుడు ప్రచారం చేస్తున్న వ్య‌క్తుల‌ను గుర్తించి చ‌ర్య‌లు తీసుకోవాల‌ని ఫిర్యాదు చేసినట్లు ఆయన చెప్పారు. అంతేకాదు సోషల్ మీడియాలో కూడా స్పందించారు. ‘తప్పుడు ఆరోపణలు చేయటం కాదురా జఫ్ఫా పేటియం బ్యాచ్, దమ్ముగా పోలీస్ కంప్లయింట్ ఇచ్చా..జైలుకు వెళ్ళటానికి సిద్దంగా ఉండండి. మీ నాయకుడి ఫేవరేట్ స్పాట్ చంచల్ గూడా జైలుకే,మేనేజ్ చేయటానికి ఆంధ్ర పోలీసులు కాదు’అంటూ ఘాటుగా ట్వీట్ చేశారు. అంతేకాదు దమ్ముంటే తనపై చేసిన ఆరోపణలను వైఎస్సార్‌సీపీ కార్యకర్తలు, పేటీఎం బ్యాచ్ రుజువు చేయాలని సవాల్ విసిరారు. ‘అధికారంలో ఉంది మీ పార్టీనే.. దర్యాప్తు సంస్థలు మీ చేతిలోనే ఉన్నాయి.. ఎందుకు ఉపయోగించకూడదు అన్నారు. చంచల్‌గూడ జైలుకు వెళ్లడానికి సిద్ధంగా ఉండండి అంటూ ట్వీట్ చేశారు . అయితే ఆయన హైదరాబాద్‌లో ఫిర్యాదు చేయడం ఆసక్తికరంగా మారింది. బోండా ఉమామహేశ్వరరావు హోటల్ నుంచి ఓ హీరోయిన్‌తో బయటకు వెళుతున్నారంటూ కొన్ని ఫోటోలను సోషల్ మీడియాలో పోస్ట్ చేశారు.. వారిలో కొందరు వైఎస్సార్‌సీపీ సానుభూతిపరులు ఉన్నారని ఉమా ఆరోపిస్తున్నారు. ఫేక్ ఫోటోలతో తప్పుడు ప్రచారం చేస్తున్నారని ఆయన మండిపడ్డారు.
https://ift.tt/3j4cUcF
from Telugu News | తెలుగు వార్తలు | Online Telugu News | Latest News in Telugu https://ift.tt/2GYY1eV
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment