జిల్లాలో కట్టుకున్న భర్తను ప్రియుడితో కలిసి భార్య దారుణంగా హతమార్చిన కేసులో మరిన్ని దిగ్భ్రాంతికర నిజాలు వెలుగులోకి వస్తున్నాయి. భర్త వెంకటరమణను హత్య చేసేందుకు లలిత, నర్సింగరావు 3 నెలల క్రితమే పథకం పన్నినట్లు తేలింది. ఇక, కన్న తండ్రిని దారుణంగా హతమార్చి, తల్లి జైలుకు వెళ్లడంతో ఇద్దరు పిల్లలు అనాథలుగా మిగిలారు. కనీసం ఊహ కూడా సరిగ్గా తెలియని వయసులో ఆ బిడ్డలు ఒంటరిగా రోడ్డునపడ్డారు. దీనంగా ఏడుస్తున్న ఆ పిల్లల్ని చూసి స్థానికులు కంటతడి పెడుతున్నారు. అసలేం జరిగిందంటే.. వంటగదిలో ప్రియుడితో కలిసి ఉండగా భర్తకు రెడ్హ్యాండెడ్గా దొరికిపోయి.. చివరికి, అడ్డొచ్చాడని భార్య దారుణంగా హత్య చేసిన విషయం తెలిసిందే. ఈ దారుణ ఘటన ఇప్పుడు ఆంధ్రప్రదేశ్లో సంచలనంగా మారింది. విజయనగరం జిల్లా మండలం పారాదికి చెందిన కలిశెట్టి వెంకట రమణకు.. రామభద్రపురం మండలం కొండపాలవలస కు చెందిన లలిత అనే మహిళతో 2015లో పెళ్లయింది. వీరికి ఐదేళ్ల బాబు, 18 నెలల పాప సంతానం. భార్యాభర్తల మధ్య సంసారం అనోన్యంగానే సాగింది. పిల్లాపాపలతో ప్రశాంతంగా జీవనం సాగిస్తున్న వీరి జీవితంలోకి పారాది గ్రామానికే చెందిన నర్సింగరావు అనే యువకుడు ఎంటర్ అయ్యాడు. వెంకటరమణతో నర్సింగరావుకు ఉన్న పరిచయాన్ని అడ్డుపెట్టుకుని లలితతో మాటలు కలిపాడు. వీరిద్దరి కొద్ది రోజుల పరిచయమే లలిత, నర్సింగరావుల మధ్య వివాహేతర సంబంధానికి దారి తీసింది. ఒకే గ్రామం కావటంతో ఇద్దరూ తరుచూ కలుస్తుండేవారు. గతంలోనే గుర్తించి పుట్టింటికి పంపించేశాడు..ఇదే విషయంపై భార్యతో భర్త వెంకటరమణ తరుచూ గొడవ పడుతుండేవాడు. ఈ నేపథ్యంలోనే ఒకరోజు ప్రియుడుతో ఉన్న భార్యను చూసిన వెంకటరమణ చేసేది లేక భార్యను పుట్టింటికి పంపించి వేశాడు. అయితే, కొద్ది నెలల తర్వాత భార్యాభర్తలు ఇలా విడిగా ఉంటే.. ఇద్దరు పిల్లల భవిష్యత్తు దెబ్బతింటుందని గ్రామ పెద్దలు మధ్యవర్తిత్వం చేసి భార్యాభర్తలను మళ్లీ కలిపారు. భర్త కూడా పెద్ద మనసు చేసుకుని భార్యను తిరిగి కాపురానికి తీసుకొచ్చాడు. కానీ, భార్యను క్షమించడమే తన ప్రాణాలను తీసేస్తుందని వెంకటరమణ ఊహించలేకపోయారు. భర్త పెద్ద మనసుతో క్షమించి, మళ్లీ కాపురానికి తీసుకొచ్చినా.. భార్య ప్రవర్తనలో ఏ మాత్రం మార్పు రాలేదు. ఎప్పటిలాగే ప్రియుడు నర్సింగరావుతో తన అక్రమ సంబంధాన్ని కొనసాగిస్తూ వచ్చింది. ఈ నేపథ్యంలోనే ఈ నెల 10వ తేదీ లలిత మరింతగా బరితెగించింది. భర్త నిద్రిస్తున్న సమయంలో లలిత కుమారి ఫోన్కు ప్రియుడు నర్సింగరావు కలుసుకుందామని మెసెజ్ చేశాడు. వీడియో కాల్లో కాసేపు మాట్లాడుకున్నారు. తర్వాత నేరుగా ప్రియురాలి ఇంటికే వెళ్లిపోయిన నర్సింగరావు.. వంటగదిలో కలుసుకున్నారు. అర్ధరాత్రి వేళ వంటగదిలో.. అర్ధరాత్రి వేళ భర్త వెంకట రమణకు మెలకుల రావడంతో వంటగదిలోకి వెళ్లి చూసే సరికి భార్య లలిత అక్కడ ఉంది. ఇక్కడ ఏం చేస్తున్నావ్ అని అడుగుతుండగా.. నర్సింరావు కూడా అక్కడే ఉండటం గమనించి కోపంతో రగిలిపోయాడు. వెంటనే భార్య, ఆమె ప్రియుడిపై తీవ్ర ఆగ్రహం వ్యక్తం చేశారు. దీంతో ప్రియుయు నర్సింగరావుతో కలిసి లలిత రెచ్చిపోయింది. వెంకటరమణపై తీవ్రంగా దాడికి తిగారు. అనంతరం చున్నీతో వెంకటరమణ మెడను బిగించి చంపేశారు. ఆ తర్వాత ఇంట్లో ముందు గదిలో శవాన్ని ఉంచేసి.. ప్రియుడు అక్కడ నుంచి వెళ్లిపోయాడు. అనంతరం, భర్త చనిపోయాడని కన్ఫామ్ చేసుకున్న లలిత.. తన భర్త సోదరుడైన అప్పలనాయుడు ఇంటికి వెళ్లింది. తన భర్త వెంకటరమణ గుండె నొప్పి అని చెప్పి రెండు మాత్రలు వేసుకొని పడుకున్నాడని, ఎంత లేపినా లేవడం లేదంటూ ఏడుస్తూ చెప్పింది. నిజమేనని భావించి వెళ్లి తన తమ్ముడిని చూసిన సోదరుడు దిగ్భ్రాంతికి గురయ్యాడు. మరుసటి రోజు వెంకరమణ మృతదేహాన్ని శ్మశాన వాటికకు తరలించేందుకు భార్య, భార్య కుటుంబ సభ్యులు ఏర్పాట్లు చేసి రెడీ అయ్యారు. ఈ క్రమంలో వెంకరమణ పార్థీవదేహానికి స్నానం చేపించే క్రమంలో ఆయన శరీరంపై గాయాలు ఉండటాన్ని గమనించారు. దీంతో లలితనే తన తమ్ముడుని చంపేసి ఉంటుందన్న అనుమానంతో వెంకటరమణ అన్నయ్య బొబ్బిలి పోలీస్ స్టేషన్ లో ఫిర్యాదు చేశాడు. ఈ విషయం తెలుసుకున్న పోలీసులు రంగప్రవేశం చేసి మృతదేహం తరలింపును అడ్డుకున్నారు. అనంతరం లలితతో పాటు నర్సింగరావును అదుపులోకి తీసుకొన్న పోలీసులు తమదైన శైలిలో దర్యాప్తు జరపగా అసలైన నిజం బయటకు వచ్చింది. వెంకటరమణను తామే హత్య చేసినట్లు భార్య, ఆమె ప్రియుడు ఒప్పుకున్నారు. అనాథలైన ఇద్దరు బిడ్డలు కట్టుకున్న భార్యే తన భర్తను హత్య చేయడం చూసి గ్రామస్తులంతా షాక్కు గురయ్యారు. అందరితో ఎంతో మంచిగా ఉండే కలిశెట్టి వెంకటరమణను హత్య చేసిన భార్య లలితకుమారిని కఠినంగా శిక్షించాలని కోరుతున్నారు. మరోవైపు తండ్రి మృతి చెంది తల్లి కటకటాల పాలవ్వటంతో ఇద్దరు చిన్నారుల పరిస్థితి అగమ్యగోచరంగా మారింది. చిన్నారులను చూసిన వారి మనస్సు తరుక్కుపోతుంది. ఇకపోతే, వెంకటరమణను హత్య చేసేందుకు లలిత, నర్సింగరావు మూడు నెలల క్రితమే పథకం పన్నినట్లు సీఐ నాగేశ్వరరావు వెల్లడించారు. వారిద్దరూ రహస్యంగా కలుసుకోవడం ఇబ్బందిగా మారడంతో తనతో వచ్చేయాలని పలుమార్లు ఆమెను ప్రియుడు బలవంతం చేశాడు. ఇద్దరు చిన్న పిల్లలు ఉండటంతో ఆమె వెళ్లలేదు. దీంతో భర్త వెంకటరమణ అడ్డు తొలగించుకోవాలని నిర్ణయించారు. ఈ నేపథ్యంలోనే అర్ధరాత్రి వేళ వెంకటరమణకు వీళ్లు రెడ్హ్యాండెట్గా దొరకడం, ఒంటరిగా ఉండటంతో హత్యకు పాల్పడ్డారని సీఐ వివరించారు.
https://ift.tt/EI4HKkX
from తెలుగు వార్తలు | Telugu Latest News | Online Telugu News | News in Telugu | Samayam Telugu https://ift.tt/NorP5b4
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment