రుణ గ్రహీతలకు సుప్రీం కోర్టు తీపికబురు.. కేంద్రానికి కీలక ఆదేశాలు!

సుప్రీం కోర్టు రుణ గ్రహీతలకు తీపికబురు అందించింది. కేంద్ర ప్రభుత్వానికి కీలక ఆదేశాలు జారీ చేసింది. లోన్ మారటోరియం కాలానికి సంబంధించి వడ్డీ మీద వడ్డీ మాఫీ నిర్ణయాన్ని వీలైనంత త్వరగా అమలు చేయానలి మోదీ సర్కార్‌ను సుప్రీం కోర్టు కోరింది. దీంతో లోన్ మారటోరియం ఎంచుకున్న వారికి ఊరట కలుగనుంది. కేంద్ర ప్రభుత్వం అక్టోబర్ 3న రూ.2 కోట్ల వరకు రుణాలకు సంబంధించింది మారటోరియం గడువులో అంటే 6 నెలల కాలానికి వడ్డీ మీద వడ్డీ మాఫీ చేయడం సాధ్యమేనని సుప్రీం కోర్టుకు తెలియజేసింది. ఈ నేపథ్యంలోనే సుప్రీం కోర్టు కేంద్రానికి వీలైనంత త్వరల వడ్డీ మీద వడ్డీ మాఫీ నిర్ణయాన్ని అమలు చేయాలని కోరింది. నవంబర్ 15లోపు ఈ నిర్ణయాన్ని అమలులోకి వస్తుందని సొలిసిటర్ జనరల్ తుషర్ మెహ్‌తా సుప్రీం కోర్టుకు తెలిపారు. Also Read: ‘బ్యాంకులు వడ్డీ మీద వడ్డీని మాఫీ చేస్తాయి. మాఫీ చేసిన ఈ వడ్డీ మీద వడ్డీ మొత్తాన్ని కేంద్ర ప్రభుత్వం బ్యాంకులకు అందిస్తుంది. లెక్కింపులో వేర్వేరు పద్ధతులు ఉంటాయి. బ్యాంకులు మాకు సరైన ఫార్మాట్‌ను అందించాల్సి ఉంది’ అని మెహతా తెలిపారు. త్రిసభ్య ధర్మాసనం ప్రభుత్వ నిర్ణయం ఇక వాయిదా పడటానికి వీలు లేదని వీలైనంత త్వరగా వడ్డీ మీద వడ్డీని అమలు చేయాలని సుప్రీం కోర్టు తెలిపింది. ‘ఇలాంటి చిన్న నిర్ణయాన్ని అమలు చేయడానికి నెల రోజుల గడువు ఎందుకు? రూ.2 కోట్లలోపు రుణాలకు ప్రభుత్వం అందించే రాయితీ నిర్ణయం వీలైనంత త్వరగా అమలులోకి రావాలి’ అని సుప్రీం కోర్టు త్రిసభ్య బెంచ్ తెలిపింది. నవంబర్ 15లోపు కేంద్ర ప్రభుత్వ నిర్ణయం అమలులోకి వస్తుంది. లేదంటే ముందుగానే వడ్డీ మీద వడ్డీ మాఫీ నిర్ణయం అమలులోకి రావొచ్చు.

https://ift.tt/3dqT4XY
from Telugu News | తెలుగు వార్తలు | Online Telugu News | Latest News in Telugu https://ift.tt/3dtzdYc